தாங்க்ஸ் மதன்! தாங்க்யூ சோ மச்!
ஓவர் செண்டிமெண்ட் ஆனது அவனுக்கே பிடிக்கவில்லை போலும்! என்னாது, அப்புடியே தாங்க்ஸ் சொல்லி கழண்டுக்கலாம்னு பாக்குறீங்களா? இன்னிக்கு வெட்டிங் டே க்கு ட்ரீட் லாம் கிடையாதா???
நாங்களும் நார்மலானோம்! சிரித்துக் கொண்டே, எங்க போலாம்னு சொல்லு!
எங்கியும் வேணாம், இங்கியே தடபுடலா சமையல் ரெடி பண்ணச் சொல்லியிருக்கேன். அதுக்கு முன்னாடி…
என்று சொல்லி, அவன் கப்போர்டை திறந்தவன், ஒரு கார் கீயைக் கொடுத்தான்!
என்னடா இது?
நீ அவருக்கு புடிச்ச கார், புடிச்ச கலர்ன்னு சொன்னில்ல? அதான்!
டேய், எதுக்குடா இவ்ளோ செலவுல?
என்னைப் பொறுத்தவரைக்கும், இன்னில இருந்து நீங்க வாழ்க்கையை புதுசா ஆரம்பிக்கிறீங்கன்னு நினைச்சிருக்கேன்! அதான் என் சந்தோஷத்துக்காக! இதான் சாக்குன்னு வருஷா வருஷம் இவ்ளோ பெரிய கிஃப்ட் கிடைக்கும்னு நினைக்காத, என்ன என்று பேச்சை மாற்றினான்!
நான் அவனையே பார்த்தேன்! அவனோ, எங்கள் இருவரின் கையைப் பிடித்து, எங்கள் கையில் கீயை வைத்தான். ஹரீஸ் என்னைப் பார்த்தார். நான் வாங்குங்க என்று தலையசைத்தேன்!
ஹார்ட்டி விஷஸ் டூ போத் ஆஃப் யூ! (மனமார்ந்த வாழ்த்துக்கள்!)
ஹரீஸூக்காக என் அறையில் காத்திருந்தேன். மதன் ஏதோ அவரிடம் பேசிக் கொண்டிருந்தான். நாங்கள் இன்னும் பேசி முடிக்க வேண்டியது சிலது இருக்கிறது. நான் குளித்து முடித்து விட்டு என்னை நானே அலங்காரம் செய்து கொண்டேன்! ஹரீஸ், என் பிறந்த நாளுக்கு வாங்கித் தந்த சாரியைக் கட்டிக் கொண்டேன்! முதலிரவிற்குச் செல்லும் புதுப் பெண்ணின் உணர்வு எனக்குள்!