குத்திக் காட்டுகிறாள் என்று எடுத்துக் கொள்வதா, அல்லது நாம் செய்த பாவம் என்று தன்னையும் சேர்த்து சொன்னதன் மூலம், என்னை நல்வழிப் படுத்துகிறாள் என்று எடுத்துக் கொள்வதா என்று புரியாமல், தலையில் கை வைத்து அமர்ந்திருந்தான்…
அப்படியே இருந்த மோகனின் யோசனையை, அவனது கை பேசி கலைத்தது.
எடுத்துப் பேசினால், அது கம்பெனியின் வாட்ச்மேனிடமிருந்து வந்திருந்தது…
என்ன முத்து, சண்டே கூப்பிட்டிருக்கீங்க? என்று எரிச்சலாகக் கேட்டான்.
சார், கம்பெனில ஐடி ரெய்டு வந்திருக்காங்க சார். என்னென்ன ஃபைலையோ எடுத்துப் பாக்குறாங்க, கேட்டா இங்கிலீஸ்ல பேசுறாங்க, எனக்கு ஒன்னும் புரியலை சார். சீக்கிரம் வாங்க இங்க!
மோகன் அடித்து, பிடித்து கம்பெனிக்கு கிளம்பினான். அது கொஞ்சம் அருகிலேயே இருந்ததால், 10 நிமிடத்தில் மோகனால் கம்பெனியை அடைய முடிந்தது.
அதற்குள் அவனுள், ஏகப்பட்ட எண்ணங்கள். ஒருவேளை, நம்ம மருமக, ஹரீசின் ஒய்ஃப் வேலையா இருக்குமோ? மதன் சொன்ன மாதிரி, ஏதாச்சும் ஏற்பாடு பண்ணியிருப்பாங்களோ, ஹரீஸ் பொதுவாவே நேர்மைங்கிறதுனால, ஐடி ரெய்டுக்கு நாம கவலைப்பட வேணாம்தான்… மதனை வேற ஆளையேக் காணோமே, அவன் இருந்திருந்தா ஐடியா சொல்லுவான்… என்று யோசித்தவாறே அலுவலகம் அடைந்தான்.
எதிர்பார்த்ததற்க்கு மேலாக, அலுவலகம் மிக அமைதியாக இருந்தது. கேட்டின் அருகே இருந்த வாட்ச்மேனோ, உள்ள, உங்க ரூம்ல, வெச்சு எல்லா ஃபைலையும் பாத்துட்டிருக்காங்க சார் என்று சொன்னான்.
அவனது ரூமுக்குள் நுழைந்தவனுக்கு பெரிய ஆச்சரியம். ஏனெனில் அங்கு எந்த ஆஃபிசர்ஸும் இல்லை. மாறாக அங்கு இருந்தது, மோகனின் விளையாட்டுகளுக்கு பலியான சாந்தி, பிரியா, தேவி ஆகிய மூவரும்…
அவர்களைப் பார்த்து ஆச்சரியமடைந்தாலும், உடனே கடுப்பான மோகன் கேட்டான்.
ஏய், நீங்க எங்கடி இருக்கீங்க? என்னமோ ஐடி ரெய்டுன்னு அவன் உளறுனான்.
நாங்கதான், உங்களை வரவைக்க அப்படிச் சொல்லச் சொன்னோம். என்று சாந்தி சொன்னாள்.
என்னை வர வைக்கவா? எதுக்கு?
How to submit the story on this site? help me