“ஹாய். அக்கா. குட் மார்னிங்க்” என்றபடி ஒரு சிறிய தட்டை நீட்டினாள். அழகாக டைமண்ட் டைமண்டான வடிவில் வெட்டப்பட்ட பாதாம் ஹல்வா
“என்னடி இது” என்று வியந்து கேட்டாள் தீபா.
“அக்கா. இன்னிக்கு எனக்கு பிறந்த நாள். 29 முடிஞ்சிருச்சுக்கா” என்று அழகாகச் சிரித்தாள்.
“ஹேய். சூப்பர். உண்மையாடி?” என்று கேட்டுக் கொண்டே ஒரு விள்ளல் அல்வா எடுத்து, தன் வாயில் பாதியை வைத்து, மீதியை ஷோபாவிற்கு ஊட்டினாள் தீபா.
“ம்ம். ஆமாம்கா”
“ஹேப்பி பர்த்டே டார்லிங்க்” என்று சிறியவளின் கன்னத்தைக் கிள்ளினாள்.
“காலைல சீக்கிரமா எழுந்து எல்லாத்தையும் தயார் பண்ணிட்டேங்கா” என்ற உடன் பிறவா சகோதரியின் சிமிட்டும் கண்களைக் கண்டு பேதலித்தாள் தீபா.
“குட் மார்னிங்க். அண்ட் ஹேப்பி பர்த்டே சித்தி” என்றபடி செல்வாவும் வர. அவனை ஓடிச் சென்று கட்டிப் பிடிக்க ஷோபா துவங்கியபோது. சட்டென்று தயங்கி நின்றாள்.